काठमाडौँ — फागुन महिनामा देशभर जम्मा ४,४६८ आपराधिक घटनाका मुद्दा दर्ता भएका छन्। तीमध्ये सबैभन्दा बढी बैंकिङ कसुरका मुद्दा रहेका छन्, जसको संख्या १,१२७ (२५.२२ प्रतिशत) पुगेको छ।
नेपाल प्रहरीका केन्द्रीय प्रवक्ता, प्रहरी नायब महानिरीक्षक दिनेशकुमार आचार्यका अनुसार काठमाडौं उपत्यकामा अपराधका घटना बढी मात्रामा घटिरहेका छन्, जहाँ बैंकिङ कसुरसम्बन्धी मुद्दा विशेष रूपमा उच्च रहेको छ। बैंकिङ कसुरका घटनामध्ये पनि चेक बाउन्सका मुद्दा प्रमुख रूपमा देखिएको उनले जानकारी दिए।
प्रविधिको तीव्र विकाससँगै सामाजिक सञ्जालको दुरुपयोगबाट हुने अपराधका घटनामा समेत उल्लेख्य वृद्धि भएको आचार्यले बताए।
