चुनावको तयारीमा जुट्यो आयोग, निर्वाचन कार्यविधि निर्देशिकाको ड्राफ्ट बन्दै
स्थानीय तहको निर्वाचनको मिति घोषणा भएसँगै निर्वाचन आयोगले निर्वाचनको तयारी सुरु गरेको छ। आगामी ३० वैशाखमा हुने स्थानीय तहको निर्वाचनका लागि आयोगले तयारी थालेको प्रवक्ता शालिग्राम शर्मा पौडेलले जानकारी दिए। उनका अनुसार आयोगले निर्वाचन कार्यविधि निर्देशिकाको ड्राफ्ट तयार गर्दै छ।आन्तरिक कमिटी बनाएर कार्यविधि निर्देशिकाको ड्राफ्ट तयार पारिने उनले जानकारी दिए। ‘कमिटीले तयार पारेको ड्राफ्टको मस्यौदालाई आयोगले अध्ययन गरी स्वीकृत गरेपछि स्थानीय तह निर्वाचनको कार्यविधि निर्देशिका तयार हुन्छ,’ उनले न्युज कारखानासँग भने।
विगतका निर्वाचनका अनुभव र कमजोरीका आधारमा कार्यविधि बनाउने पौडेलले बताए। यस्तै आयोगले मंगलबार सबै जिल्लाका निर्वाचन कार्यलयलाई निर्वाचनका लागि तयारी अवस्थामा रहन निर्देशन दिएको छ। बिहान भर्चुअल माध्ययममार्फत भएको बैठकमार्फत यस्तो निर्देशन दिएको प्रवक्ता पौडेलले जानकारी दिए।

कमल थापालाई क-कसको साथ?
गृहजिल्ला मकवानपुर पुगेर राष्ट्रिय प्रजातन्त्र पार्टी परित्याग गरेका निवर्तमान अध्यक्ष कमल थापालाई झन्डै एक सय केन्द्रीय सदस्यले साथ दिने दाबी गरिएको छ। गत महाधिवेशनबाट निर्वाचित तीन उपाध्यक्ष, एक महामन्त्री र झन्डै एक सय केन्द्रीय सदस्यलाई साथमा लिएर नयाँ पार्टी दर्ता गर्ने तयारीका साथ थापाले मंगलबार पार्टी परित्याग गरेका हुन्।
गत महाधिवेशनबाट निर्वाचित उपाध्यक्ष बुद्धिमान तामाङ, ध्रुवबहादुर प्रधान, रोशन कार्की तथा महामन्त्री कुन्ती शाही र भुवन पाठकसहित थापा पक्षबाट निर्वाचित ८० भन्दा बढी केन्द्रीय सदस्यले नयाँ पार्टी खोल्नलाई साथ दिने भएका हुन्।
गत महाधिवेशनवाट तीनजना उपाध्यक्ष, एकजना महामन्त्री र एक सय ६ जना केन्द्रीय सदस्यमा निर्वाचित भएका थिए, ती सबै हामीसँगै रहने छन्,’ थापानिकट स्रोतले भन्यो, ‘हिजोको काठमाडौं भेलामा पनि झन्डै ६० केन्द्रीय सदस्यको उपस्थिति थियो, अचानक भेला गर्नुपर्ने भएकाले सबै आउन नभ्याएका हुन्।

भारतीय मिडियामा नेपाली अभिनेत्री सुष्माको ग्ल्यामर चर्चा
नेपाली अभिनेत्री सुष्मा अधिकारी यतिबेला भोजपुरी फिल्म उद्योगमा संघर्षरत छिन्। सामाजिक सञ्जालमा सक्रिय सुष्माले आफ्ना ग्ल्यामर तस्बिरहरू पोष्ट गरिरहन्छिन्। हालै मात्र उनले कालो पहिरनमा निकै बोल्ड तस्बिर इन्स्टाग्राममा शेयर गरेकी थिइन्। जुन तस्बिरलाई भारतीय मिडियाले विशेष स्थान दिएका छन्।
उनको यो तस्बिर सामाजिक सञ्जालमा भाइरल बनिरहेको छ। सुष्मा आफ्नो फेसन सेन्सका कारण चर्चामा आइरहन्छिन्। साडी, लेहंगादेखि क्याजुअल पहिरन तथा बिकिनीमा सुष्माले आफ्नो हट अवतार देखाउने गर्छिन्। सुष्माले इन्स्टाग्राममा राखेको पछिल्लो तस्बिरमा एक प्रयोगकर्ताले ‘तपाई एकदम बेबी डल जस्तैं देखिनुभएको छ’ भन्दै कमेन्ट गरेका छन्। त्यस्तै अर्का प्रयोगकर्ताले सुन्दरता र फिटनेसको रहस्य थाहा पाउन खोजेका छन्।

को बन्ला लता मंगेशकरको सम्पत्तिको मालिक?
भारत रत्न’ लता मंगेशकरको आइतबार ९२ वर्षको उमेरमा निधन भयो। कोरोना संक्रमित भएपछि मुम्बईको ब्रीच केन्डी अस्पतालमा भर्ना भएकी उनले अस्पतालमै अन्तिम श्वास फेरिन। उनको निधनपछि भारतभर शोकको लहर छाएको छ। लताले सन् १९४२ मा आफ्नो करियरको सुरुवात गरेकी थिइन्। उनले फिल्म ‘महल’को गीत ‘आएगा आने वाला’बाट पहिचान पाएकी थिइन्। लताले विश्वभरका करिब ३६ भाषामा ४० हजार बढी गीत गाएकी छन्।
एक गायिकाका रूपमा यति लामो करियरमा लताले निकै सम्पत्ति जोडिन्। लताको कुल सम्पत्ति ५० मिलियन अमेरिकी डलरको आसपास छ। उनको अधिकांश कमाई गीतको रोयल्टी र त्यसको लगानीबाट प्राप्त हुन्थ्यो। उनले पहिलोपटक मराठी फिल्म ‘किति हसाल’का लागि गीत गाएकी थिइन्। यो उनको पहिलो गीत कहिल्यै रिलिज भएन। उनको पहिलो कमाई २५ रुपैंयाँ थियो। तर जीवनको अन्तिम क्षणसम्ममा उनी करोडौं सम्पत्तिको मालिक बनेकी थिइन्। अन्तिम समयसम्म उनको मासिक आम्दानी ४० लाख रुपैंयाँ थियो।

नेप्सेमा १५ अंकको वृद्धि, ५ अर्ब बढीको कारोबार
नेपाल स्टक एक्सचेन्ज (नेप्से)मा आज १५ अंकको वृद्धि भएको छ। नेप्से परिसुचक १५.६९ अंकले बढेर २८५१.८६ को बिन्दुमा बजार बन्द भएको छ। क बर्गका कम्पनीको कारोबार मापन गर्ने सेन्सेटिभ इन्डेक्स ३.०५ अंकले बृद्धि भएर ५३५.३२ को बिन्दुमा पुगेको छ। यसदिन समग्र नेप्सेमा ५ अर्ब बढीको कारोबार भयो। माइक्रो, होटल र बैंक बाहेक अन्य सबै क्षेत्रमा हरियाली छ। यी हुन आज धेरै कमाउने र गुमाउने १० कम्पनी

माओवादीको बैठकमा प्रचण्डले एमसीसीबारे जवाफ दिनुपर्ने
नेकपा माओवादी केन्द्रले महासचिव छनोट लगायतका विषयमा छलफल गर्न केन्द्रीय समितिको बैठक माघ २८–२९ बोलाएको छ । बैठकमा स्थानीय तहको निर्वाचन लगायतको विषयमा छलफल हुने भनिएको छ । पछिल्लो समय मेलेनियम च्यालेञ्ज कर्पोरेशन (एमसीसी) को विवादमा माओवादी केन्द्रका अध्यक्ष प्रचण्ड मुछिएका छन् । पार्टीको बैठकमा यसलाई विशेषरुपमा उठाउने केही नेताहरूको तयारी रहेको बुझिएको छ ।​ एमसीसीकाबारे नेपाली काँग्रेसका सभापति शेरबहादुर देउवा र माओवादी केन्द्रका अध्यक्ष प्रचण्डले हस्ताक्षर गरी अमेरिकालाई पठाएको पत्र बाहिरिएपछि पार्टीभित्रै उनीमाथि प्रश्न गर्न थालिएको छ ।
एमसीसीका बारेमा एकातिर चर्को कुरा गर्ने अर्कोतिर त्यसलाई पास गराउन पहल गर्ने भन्ने कुराले पार्टीभित्र नै आशंका उब्जाएको छ । यस विषयमा पार्टीभित्र कुरा उठ्ने बताइएको छ । केन्द्रीय सदस्य हरिबोल गजुरेलले पत्रका बारेमा बाहिर कुरा उठेको कारणले पार्टीको बैठकमा अध्यक्षले त्यस विषयमा स्पष्ट पार्नुपर्ने बताए ।

यस्ता छन् मन्त्रिपरिषद्का निर्णय
सरकारले राष्ट्रिय प्रसारण (एघारौं संशोधन) नियमावली, २०७८ स्वीकृत गर्ने भएको छ । सोमबार बसेको मन्त्रीपरिषद् बैठकको निर्णय सार्वजनिक गर्दै नेपाल सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले राष्ट्रिय प्रसारण (एघारौं संशोधन) नियमावली, २०७८ स्वीकृत गर्ने निर्णय गरेको बताउनु भएको हो । त्यस्तै सरकारले धितोपत्र दर्ता तथा निष्कासन पाँचौँ संशोधन नियमावली २०७८ स्वीकृत गर्ने निर्णय गरेको छ ।
सञ्चार मन्त्री कार्कीका अनुसार निर्वाचन आयोगबाट प्राप्त परामर्श बमोजिम स्थानीय तहको निर्वाचन ऐन २०७३ को दफा ४ को उपदफा (१) बमोजिम वि.स २०७९ साल वैशाख ३० गते शुक्रबारको दिन ७५३ वटा स्थानीय तहमा एकै चरणमा निर्वाचन गर्ने निर्णय गरेको छ ।

खेलकुद विधालाई मुलुकको सम्बन्ध विस्तारसँग जोड्ने प्रयास
सरकारले मुलुकको पहिचान अभिवृद्धि र सम्बन्ध विस्तारलाई खेलकुद विधासँग जोडेर लैजाने सोच अघि सारेको छ । स्वच्छ, व्यावसायिक र प्रविधिमैत्री खेलकुद विकास र विस्तार गर्ने सोचका साथ स्वस्थ, सक्षम र अनुशासित नागरिक तयार गरी अन्तर्राष्ट्रिय जगत्मा राष्ट्रको सम्मान अभिवृद्धि गर्दै पहिचान स्थापित गर्ने लक्ष्य राखिएको छ ।
युवा तथा खेलकुद मन्त्रालयका सचिव डा दामोदर शर्माले खेलकुदलाई राष्ट्रिय एकता सुदृढ तुल्याउने र अन्तर्राष्ट्रिय क्षेत्रमा राष्ट्रिय पहिचान स्थापित गर्ने प्रमुख माध्यमकारूपमा विकास र विस्तार गर्ने नीतिलाई कडाइका साथ कार्यान्वयन गर्दै अघि बढाइने बताए ।