३१ वैशाख, काठमाडौं — वीर अस्पतालको सेवा स्तर उकास्ने उद्देश्यसहित स्वास्थ्य तथा जनसंख्या मन्त्री प्रदीप पौडेलले कार्यदल गठन गरेका छन्। वरिष्ठ चिकित्सक डा. मदन उपाध्यायको संयोजकत्वमा गठन गरिएको कार्यदललाई अस्पतालमा उपलब्ध जनशक्ति र स्रोत-साधनको प्रभावकारी उपयोगबारे सुझाव दिन कार्यादेश दिइएको छ।
कार्यदललाई अस्पतालमा नागरिकलाई प्रदान गरिने सेवा — फार्मेसी, रेडियोलोजी, प्याथोलोजी, अर्थोपेडिक्सलगायतका विभागहरूको अवस्थाको मूल्यांकन गर्न र आवश्यक सुधारका उपायहरू प्रस्ताव गर्न निर्देशन दिइएको छ। यस्तै, ती सेवामा प्रयोग हुने उपकरणहरूको अवस्था परीक्षण गरी उपयुक्त व्यवस्थापनका सिफारिस पनि गर्न कार्यदललाई भनिएको छ।
