काठमाडौं ।
धनकुटामा नेकपा माओवादी केन्द्रमा विद्रोह भएको छ। जिल्लाबाट प्रतिनिधित्व गर्ने पोलिट्ब्युरो, केन्द्रीय सदस्य, प्रदेशका पदाधिकारीसहित प्रदेश सदस्यहरूले सामूहिक राजीनामा दिएका छन्।
मंसिर ४ को प्रतिनिधि र प्रदेशसभाको निर्वाचनका सन्दर्भमा माओवादी केन्द्र धनकुटाको बैठकपछि उनीहरूले सामूहिक राजीनामा दिँदै विज्ञप्ति जारी गरेका छन्। गठबन्धनले एउटा मात्र प्रतिनिधिसभा रहेको धनकुटामा कांग्रेसलाई छोड्ने तयारी गर्दै आएको थियो ।
त्यही सन्दर्भमा जिल्लामा रहेका पोलिट्ब्युरो सदस्य हेमराज भण्डारी, केन्द्रीय सदस्य धनमाया विक र प्रदेश सहसचिव ऋषिराम ढुंगाना सहितले आइतबार पार्टीबाट सामूहिक राजीनामा दिएका हुन्।
आइतबारको बैठकपछि १४ जना प्रदेश सदस्य, जिल्ला समन्वय समितिका सबै पदाधिकारी र सदस्यहरूले राजीनामा दिएको विज्ञप्तिमा उल्लेख छ।
