काठमाडौं।
रुसले जनमत संग्रह गराएर चार युक्रेनी क्षेत्रलाई आफूमा विलय गराउने योजना बनाएको छ। अल्जाजिराका अनुसार आगामी सेप्टेम्बर २३ देखि सेप्टेम्बर २७ सम्म ती क्षेत्रहरुमा जनमत संग्रह हुनेछ। हाल जनमत संग्रह हुन लागेका क्षेत्र यतिबेला रुसी सेनाको कब्जामा छन्।
यसरी रुसले युक्रेनको भूभागमा शक्तिको आडमा जनमत संग्रह गर्न खोजेपछि युक्रेन र पश्चिमा राष्ट्रहरुले रुसी कार्यको विरोध जनाएको छ।
रुसका विदेशमन्त्री सर्गी लाभरोभले अब यी चार क्षेत्रका नागरिकहरुले आफ्नो भविष्य आफैंले निर्धारण गर्नसक्ने बताएका छन्।
