के उद्देश्य बोकेर सगरमाथा आरोहण गर्दैछन् गायक राजु लामा ?

सगरमाथा आरोहणको मेरो तयारी एक वर्ष अघिदेखि कै थियो । गत वर्ष ६११९ मिटर अग्लो लोगोचे आरोहण गरेको थिएँ । त्यसपछि पनि एभरेष्ट बेस क्याम्पमा गएर १०÷१२ दिन बसेँ, वरपर घुमेर फर्किएँ ।​ त्यस अगाडि पनि सानातिना ४ हजारमाथिका हिमाल आरोहण धेरै पटक गरेको छु । लाङटाङको लेरुङ भन्ने दुईवटै हिमाल चढेको छु । सोलुखुम्बुको दुधकुन्ड ४,६४७ मिटर, पिकेपिक भन्ने ४४ सय मिटर लगायत धेरै हिमाल चढेको अनुभव छ मसँग । हिमाल चढ्नका लागि आवश्यक १२÷१३ दिनको ‘बेसिक कोर्स’ भर्खर लिएँ । आफ्नो तरिकाले गर्नुपर्ने तयारी सबै गरिसकेको छु ।